15 septanm 2024
Ijans AYITI sezi pa doulè ak revòlt devan trajedi ki frape kominn Miragwàn, ayè 14 septanm 2024 la, kote 24 moun pèdi lavi yo ak 40 lòt gravman boule nan eksplozyon kamyon gaz la. Sitiyasyon sa a reveye nanm nou, e li ranfòse konviksyon ke nou paka, nou pa dwe kontinye ap viv konsa. Nou pap kite bagay sa yo pase san reyaji, paske se pa yon sò, se yon konsekans mizè ak ensekirite sistemik ki ravaje peyi a.
Nou tout, kòm Ayisyen, gen yon obligasyon moral pou pa rete an spektatè. Se aksyon ak angajman ki ka pote chanjman. Fòk nou mete men ansanm, nan lide ak nan aksyon, pou konstwi yon lòt modèl sosyete ki garanti sekirite ak diyite moun. Ijans lan se pa sèlman pou n voye senpati, men pou n bati ak bon jan ideoloji ak estrateji pou prevni trajedi konsa. Li klè ke chanjman pap fèt si nou pa pran desten peyi a nan men nou.
Direktwa Ijans AYITI salye kouraj fanmi viktim yo e renouvle angajman li pou travay san pran souf pou yon lòt Ayiti kote lavi chak moun gen valè.
Sit : www.mouvmanijansayiti.com
Imèl : mouv.ijansayiti@gmail.com
Telefòn :(509) 4690-3388 / 3248-1127
